Sjølvbyggjar

Drøymer du om å byggje din eigen garasje, heilårs- eller fritidsbustad, uthus eller påbygg? Stortinget har fastsett at det er lov å vere sjølvbyggjar i Noreg (ha "personleg ansvarsrett") for byggjetiltak som du må søkje kommunen om å få godkjent. Men du må i så fall ha kunnskap om muring, snikring osv. og ha praktisk erfaring. Du må også kunne godtgjere at du har gode nok kvalifikasjonar og vil følgje plan- og bygningslova og tilhøyrande regelverk.

I utgangspunktet kan det gjevast personleg godkjenning for alle funksjonar (ansvarleg søkjar, ansvarleg prosjekterande, ansvarleg utførande og ansvarleg kontrollerande). Det vanlegaste er at du blir godkjend som ansvarleg utførande, mens du har hjelp av eit firma til å søkje, prosjektere og kontrollere tiltaket.

Omtale av tenesta

Målgruppe

Alle som ønskjer å setje opp del av eigen bustad, tilbygg, garasje, uthus med meir.

Kriterium

Har du generell bygningsteknisk utdanning og praksis, bør du kunne bli godkjend. Andre forhold som kan bli tillagt vekt, er om du tidlegare har vore med på oppføring av byggverk eller delteke på relevante kurs.

Byggjetiltaket kan vere

Einebustad (i særskilte tilfelle)
Delar av bustad
Grunnmur
Innvendige arbeid

Byggjearbeidet må vere til eige bruk for sjølvbyggjaren. Tomannsbustad eller rekkjehus er ikkje omfatta.

Statens bygningstekniske etat

Kontaktinformasjon

Namn

Teknisk avdeling

Adresse

Postboks 4, 4747 Valle

Tlf

3793 7500

E-post

post@valle.kommune.no

Besøksadresse

Kommunehuset, kjellar, 4747 Valle

Ansvarleg eining

Teknisk avdeling

Søknadsprosess

Rettleiing

Ta kontakt med kommunen for nærmare informasjon om det å vere sjølvbyggjar. Då får du òg ei vurdering av kva kompetanse som blir kravd for å få godkjent ansvarsrett som søkjar, prosjekterande og utførande med tilhøyrande kontrollfunksjonar. Om du bare ønskjer å bli godkjend som ansvarleg utførande (som er det mest vanlege), må du også ta kontakt med eit firma som kan stå ansvarleg for heile søknadsprosessen som er knytta til sjølve byggjetiltaket.

Skjema

Sjølvbyggjaren nyttar det ordinære skjemaet for ansvarsrett som eigentleg er utarbeidd for firma.

Blankettar for byggjesak Blankettar for byggjesak - igangsettjingsløyve Blankettar for rammeløyve Byggsøk Bygning

Vedlegg

Dokumentasjon på erfaring og kompetanse

Søknadsfrist

Søknaden om ansvarsrett skal følgje søknaden om løyve til "enkle tiltak" (når tiltaket er i samsvar med regulering og er ferdig prosjektert). Søknadene blir behandla etter kvart som dei kjem inn.

Søknad om løyve kan også delast opp. Då blir det først søkt om eit rammeløyve som gir deg rett til å gjennomføre tiltaket. Deretter - når ansvarleg foretak er bestemt og prosjekteringa er ferdig - må det søkjast om igangsetjingsløyve. Det er naturleg at søknad om ansvarsrett i dette tilfellet følgjer søknaden om igangsetjingsløyve (etter at rammeløyvet ligg føre).

Klagemuligheit

Du kan klage på vedtaket innan tre veker frå du mottok vedtaket. Klaga sender du til kommunen. I klaga skal du føre opp kva det er du ønskjer endra og grunngje dette. Klageinstans er Fylkesmannen. Før klaga blir send dit, skal kommunen vurdere om det er grunn til å endre vedtaket. Dersom vedtaket blir ståande, vil saka bli send til Fylkesmannen.