Støttekontakt

Støttekontakten tilbyr m.a. sosialt samvær etter behov og følgje til ulike fritidsaktivitetar. Er du ny brukar eller ikkje er sikker på kvar du bør vende deg, kontakt leiar Habilitering Marianne Solbakk Lye på tlf. 379 37 624/48 89 22 89

Omtale av tenesta

Målgruppe

Eldre, funksjonshemma og personar med sosiale problem.

Kriterium

Dei som ikkje kan dra omsorg for seg sjølve eller som er heilt avhengige av praktisk eller personleg hjelp for å greie dei daglege gjeremåla, har krav på bistand. Det er kommunen som i samarbeid med søkjaren bestemmer kva for tenester som skal gjevast, medrekna støttekontakt.

Pris

Tenesta er gratis.

Kontaktinformasjon

Namn

Pleie og omsorg

Adresse

Postboks 4, 4747 Valle

Tlf

3793 7600

E-post

post@valle.kommune.no

Besøksadresse

Valle Bygdeheim, 4747 Valle

Ansvarleg eining

Pleie og omsorg

Søknadsprosess

Rettleiing

Du kan kontakte kommunen for å få hjelp til å søkje om støttekontakt. Du har rett til å la næraste pårørande hjelpe deg med søknaden. Andre har også rett til å hjelpe deg. Det kan til dømes vere ein nabo. Då må du skrive ei fullmakt til vedkommande. Ein kan og søkje munnleg over telefon, jf. Forvaltningslova § 11. Du /sakshandsamaren skal då notere det som blir sagt. I ettertid vil du bli beden om å stadfeste søknaden med ei underskrift.

Søknadsfrist

Søknader blir behandla etter kvart som dei kjem inn.

Handsaming

Det vil bli gjort eit vedtak. I vedtaket går det fram om du har fått tildelt tenesta eller ikkje, og kva tenesta eventuelt omfattar.

Søknadsbehandlingstid:
Kommunen har plikt til å behandle saka så snart som råd. Dersom saka ikkje kan avgjerast innan éin månad, skal du ha skriftleg svar om årsaka til det, med opplysningar om når ein ventar at vedtaket vil bli gjort.

Klagemuligheit

Du kan klage på vedtaket innan ein frist på tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra i vedtaket og grunngje det. Kommunen vil kunne gje deg rettleiing. Det er ikkje krav om skriftleg klage. Instansen som gjorde vedtaket vurderer om det er grunn til å endre det. Dersom vedtaket blir halde ved lag, vil saka bli sendt til Fylkesmannen i Aust-Agder som er endeleg klageinstans