Kraftutbygginga
Rennande vatn har i over 90 år gjeve inntekter til kommunekassene i Bykle og Valle. For Valle starta utbygginga på 60-talet, med bygging av Brokke kraftstasjon på Nomeland. Han vart sett i drift i 1964, og vart i 1981 driftssentral og "nervesenter" til Otra Kraft i samband med at Holen kraftverk i Bykle vart sett i drift. Brokke-utbygginga førde til at fleire bruer gjennom Setesdal måtte utbetrast. Tunnelen gjennom Fånefjellet i 1962 var også ei naudsynt investering. Fleire andre mindre vassdrag, fossar og bekker er regulerte. Siste utbygginga i Valle er Hekni kraftverk. Dam og inntak er plasserte i Valle kommune, medan sjølve kraftproduksjonen er i grannekommunen Bygland.
|
 |
|
|
|