Habilitering

– ei hjelp i kvardagen

Habilitering sine oppgåver:

Habilitering gjev hjelp i kvardagen, i og utanfor heimen, til dei som har behov for habilitering på grunn av medfødt eller erverva funksjonshemning, eller kronisk sjukdom. Tilsvarande for personar som står i fare for å utvikle varig funksjonshemning eller kronisk sjukdom. Habilitering gjev tenestar etter sosialtenestelova § 4-2 a-d, med unntak av brukarstyrt personleg assistanse. Tenestetilbod er praktisk bistand og opplæring, avlastnings­tiltak, støttekontakt, plass i institusjon eller bustad med heildøgns omsorgstenester. Her er og ulike dagtilbod, som til dømes dagsenter og felles måltid. Habilitering har ein koordinator som har ansvaret for arbeid med individuell plan, og som skal koordinere tenestene det er bruk for.

Meir spesifikt om avdelinga sine oppgåver:

• Praktisk bistand og opplæring i og utanfor heimen, dersom du har eit særlig hjelpebehov på grunn av sjukdom, funksjonshemming, alder eller av andre årsaker. Vilkår for tildeling
• Avlastnings­tiltak i og utanfor heimen, for personar og familiar som har eit særlig tyngande omsorgsarbeid
• Støttekontakt i og utanfor heimen, for personar og familiar som har behov for dette på grunn av funksjonshemming, alder eller sosiale problem
• Plass i institusjon eller bustad med heildøgns omsorgstenester til dei som har behov for det på grunn av funksjonshemming, alder eller av andre årsaker
• Dagsenter i ”Trivselsbui” to gonger i veka, felles frukost, lunsj og kveldsmat ei gong i veka.
• Felles aktivitetar og utflukter, som til dømes ”Fredagsklubben” på Evje, ”Down Town” i Kristiansand.
• Koordinerande eining for habiliteringstenester