Vassforsyning - drikkevatn

Drikkevatn som kommunen leverer, skal vere hygienisk trygt, klårt og utan framtredande lukt, smak eller farge. Det skal ikkje innehalde fysiske, kjemiske eller biologiske komponentar som kan føre til fare for helseskade ved vanleg bruk.

Kommunen skal varsle forbrukarane om planlagde driftsavbrot og forhold som påverkar drikkevasskvaliteten, for eksempel reinsing/spyling av leidningsnettet. Sjå annonsar i pressa osb. Kommunen kan gje restriksjonar for å bruke vatn når det er vassmangel. Dersom naudssituasjonar (katastrofar osb.) gjer det nødvendig å gjere unntak frå krava til kvalitet, vil forbrukarane og næringsverksemder bli informerte om situasjonen og om kor lenge den mellombelse/provisoriske vassforsyninga vil vare. I område utan kommunal vassforsyning må innbyggjarar, næringsliv osb. etablere eiga ordning for vassforsyninga. Kommunen kan ikkje gje byggjeløyve utan at det finst tilfredsstillande vass- og avløpsløysingar.

Dersom du meiner at kommunen ikkje leverer vatn i samsvar med krava i mellom anna drikkevassforskriften, kan du reklamere etter forbrukarkjøpslova.

Omtale av tenesta

Målgruppe

Eigarar, innbyggjarar og brukarar av høvesvis bustader, institusjonar og næringsbygg

Kriterium

Tenesta gjeld vatn som er levert gjennom det kommunale leidningsnettet og føreset tilknyting til dette. Eventuelle krav til slik tilknyting blir normalt avgjort gjennom reguleringsplan eller ved søknad om byggjeløyve. Vasskvalitetsavvik som skuldast forhold i det interne leidningsnettet hos ein forbrukar, er normalt ikkje eit kommunalt ansvar. Større mengder brannvatn, for eksempel til sprinklaranlegg, vil ikkje nødvendigvis kunne bli levert gjennom dette leidningsnettet, men sikrast på annan måte.

Samarbeidspartnarar

Mattilsynet er statleg mynde på drikkevassområdet og fører tilsyn med at kommunen (vassverkseigar) følgjer krava i drikkevassforskriften.

Kontaktinformasjon

Namn

Teknisk avdeling

Adresse

Postboks 4, 4747 Valle

Tlf

3793 7500

E-post

post@valle.kommune.no

Besøksadresse

Kommunehuset, kjellar, 4747 Valle

Ansvarleg eining

Teknisk avdeling

Søknadsprosess

Skjema

Søknadsskjema som gjeld bygging (plan- og bygningslova) får du ved å vende deg til kommunen. Søknadsskjema knytt til godkjenning av sjølve vassforsyningssystemet (drikkevassforskrifta) får du ved å vende deg til Mattilsynet.

Vedlegg

Kva som må leggjast ved av informasjon, går normalt fram av regelverket. Nærare informasjon om dette får du hos den aktuelle etaten/verksemda.

Klagemuligheit

Du kan klage på vedtaket innan ein frist på tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra i vedtaket og grunngje det. Kommunen vil kunne gje deg rettleiing. Klageinstans er Fylkesmannen. Før klaga blir sendt dit, skal den instansen i kommunen som gjorde vedtaket, vurdere om det er grunn til endre det. Dersom vedtaket blir halde ved lag, vil saka bli sendt til Fylkesmannen.

Merknader

Det er berre godkjenningspliktige vassforsyningssystem som må sende søknad til Mattilsynet. Andre søknader, for eksempel bygging av eigen brønn til enkeltståande bustadhus, skal sendast til kommunen som byggjesak. All brønnboring skal dessutan innrapporterast til Norges Geologiske Undersøkelse (NGU).