Reduksjon eller fritak for skatt

Som hovudregel skal alle betale den skatten som er fastsett. I visse tilfelle kan du søkje om å få utsett betalinga, få redusert skatten eller sleppe å betale skatt.

Skattepliktige som ikkje er i stand til å betale heile eller delar av den skatten dei skuldar.

Du kan få utsett innbetaling av skatte- og avgiftskrav dersom du er mellombels ute av stand til å betale skatten. Årsaker kan vere dødsfall eller alvorleg sjukdom. Skattekravet kan bli sett ned eller fråfalle dersom betalingsevna di er varig svekt.

Skatteetaten

Skatteoppkrevjaren (kemner/kommunekasserar), Skatteetaten

Sjå skattebetalingslova kapittel 15.

Skattebetalingsloven

Skatteoppkrevjaren vil kunne hjelpe deg med å setje opp ein søknad. Den skal innehalde

• namn
• stilling
• sivilstand
• inntekt (ev. inntekta til sambuaren/ektefellen/partnaren) dei siste to åra
• kor mange som blir forsørgja og alderen deira
• opplysning om skatten er basert på skattemelding eller skjønnsfastsetjing
• kva for krav som blir søkt ettergjevne
• opplysning om eventuell sjukdom
• melding om faste utgifter
• grunngjeving for søknaden

Alle opplysningane bør vere dokumenterte.

Kopi av skattemelding for dei siste to åra, eventuelt siste skjønnsfastsetjing

Skatteutvalet avgjer ettergjeving av skatt inntil kr 200 000. I saker som gjeld summar over kr 200 000, har skattekontoret avgjerdsmyndet. Skatteoppkrevjaren kan avgjere søknader om ettergjeving/nedsetjing som gjeld forseinkingsrenter på inntil kr 50 000.

Det er ikkje høve til å klage over vedtak som er gjort av skatteutvalet. For vedtak som er gjort av skatteoppkrevjar eller skattekontor, kan du klage til overordna organ etter reglane i forvaltningslova. Du kan likevel søkje på nytt dersom du meiner at saka ikkje har vore tilstrekkeleg opplyst eller at situasjonen har endra seg.