Hopp til hovedmenyen på siden Hopp til hovedinnholdet på siden
error_outline19. mai kl. 12:00

Rv. 9 forbi Valle sentrum stengt i nordgåande retning 25.mai kl. 11-14

Les meir... clear
error_outline30. april kl. 13:47

Varsel om endringar i vedteken plan for RV. 9 Besteland-Helle

For å kutte kostnader vil det blir gjort endringar i den vedtekne planen for ny riksveg 9 mellom Besteland og Helle. Det er den nordlege delen av planen som vil bli gjennomgått på ny.

Les meir... clear

Svangerskapsavbrot

Tenesteomtale

Abortlova gjev deg rett til å krevje abort innan utgangen av den tolvte svangerskapsveka (84 dagar). Du kan sjølv søkje om abort. Du treng ikkje tilvising frå fastlegen, du kan ta direkte kontakt med eit sjukehus som har gynekologisk avdeling.

Når du kontaktar lege, helsestasjon eller sjukehus, må dei vite dato for første dag i siste menstruasjon. Du treng ikkje grunngje valet ditt, og du vel sjølv om du vil ta imot rettleiing eller råd.

Legen skal informere deg om korleis inngrepet blir gjennomført og om eventuelle komplikasjonar som kan oppstå.

Legen skal òg gje deg informasjon om den støtta samfunnet gjev dersom du ønskjer det.

Kriterium/vilkår

Du tek sjølv den endelege avgjerda, såframt inngrepet kan skje før utgangen av den tolvte svangerskapsveka og tungtvegande medisinske grunnar ikkje talar mot det.

Lover

Saksbehandling

Legen skal vurdere kor langt du har kome i svangerskapet. Kan inngrepet bli utført før utgangen av den 12. svangerskapsveka, skal legen straks sende kravet om svangerskapsavbrot til det sjukehuset eller institusjonen der inngrepet skal utførast. Legen skal òg utføre nødvendige kliniske undersøkingar, setje opp eit skriftleg samandrag av kliniske funn og andre relevante og nødvendige medisinske opplysningar og sende samandraget til sjukehuset eller institusjonen saman med kravet ditt.

Saksbehandlingstid

Sjukehuset eller institusjonen som er godkjend for å utføre svangerskapsavbrot, skal behandle krav om svangerskapsavbrot og eventuelt utføre inngrepet så raskt som mogleg.

Tjenesten oppdatert: 01.03.2018 13:47