Fjelltur med fisking og fjellklatring
I "Valle min heimstad"-veka var ei elevgruppe frå ungdomssteget med på ein spennande fjelltur.
Tysdag 15. juni kunne elevane velge eller ønske seg ulike aktivitetar. Ei elevgruppe vart med Rune Ingebretsen på ein fjelltur. Hovudmålet med turen var at elevane skulle reflektere omkring temaet naturopplevingar som næring. Er folk villige til å betale for naturopplevingar? Kva aktivitetar kan ein legge opp til?
Turen gjekk til Hovdevatn og her fiska elevane - og dei fekk fisk! Deretter var det tid for grilling av lunsj på bål.
Siste del av dagen testa elevane ut ei ny klatrerute i Lyefjell. Denne ruta hadde blitt sett opp veka før, så det var ikkje så mange som hadde fått prøve den. Likevel klarte alle elevane i gruppa å klatre til topps. Nedturen var noko nifs, men alle kom seg trygt ned att.