Elevar - Det fysiske arbeidsmiljøet

Skolen har plikt til å drive eit kontinuerleg og systematisk arbeid for å ivareta miljøet for elevane.
Skolane skal planleggjast, byggjast, tilretteleggjast og drivast slik at ein tek omsyn til tryggleiken, helsa, trivselen og læringa til elevane.
Det fysiske innemiljøet omfattar faktorar som luft, temperatur, lys- og strålemiljø, akustikk og mekanisk innemiljø. Utemiljøet femner m.a. om lokalisering, utforming av leikeareal, leikeapparat.
Skolen har plikt til å ta stilling til oppmodingar om tiltak frå elevar og føresette som gjeld det fysiske miljøet, og skal innan rimeleg tid gjere skriftleg vedtak.

Omtale av tenesta

Målgruppe

Elevar i grunnskolen og vidaregåande skole
Elevar som nyttar skolefritidsordninga

Kontaktinformasjon

Namn

Hylestad skule

Adresse

Postboks 4, 4747

Tlf

3793 7500

E-post

post@valle.kommune.no

Besøksadresse

Hylestad skule, 4748 Rysstad

Ansvarleg eining

Hylestad skule

Søknadsprosess

Rettleiing

Elevar, føresette eller råd og utval som representerer dei, kan be om at det blir sett i verk tiltak som gjeld det fysiske miljøet.

Handsaming

Saksbehandlingstid:
Skolen har plikt til å behandle saka så snart som mogleg. Dersom saka ikkje kan avgjerast innan éin månad, skal du ha skriftleg svar om årsaka til det, med opplysningar om når ein ventar at vedtaket vil bli gjort.

Klagemuligheit

Når det er gjort vedtak, gjeld dei vanlege klagefristane i forvaltningslova. Klagefristen er tre veker etter at meldinga om vedtaket er motteken.

Dersom skolen etter å ha fått tid til å vurdere saka ikkje gjer noko vedtak, kan det likevel klagast som om det var gjort eit vedtak.

Klaga må vere skriftleg og grunngjeven. Klaga skal leverast til skolen. I klaga skal du føre opp kva du ønskjer endra og grunngje det.

Klageinstans er Fylkesmannen. Før klaga blir sendt dit, skal den instansen som gjorde vedtaket, vurdere om det er grunn til å endre det. Dersom vedtaket ikkje blir endra, vil saka bli sendt til Fylkesmannen.