Hopp til toppmenyen på siden Hopp til hovedinnholdet på siden
:

Testing for Covid-19

Har du behov for å bli testa for korona, ring 37 93 75 40 (kvardagar kl. 09-12 og 13-14).  Les meir...
A A A

Digital kommunikasjon blir hovudregelen

Publisert
Denne artikkelen er over 7 år gammel, og kan inneholde utdatert informasjon.
Alfakrull

Stortinget har vedteke at digital kommunikasjon blir hovudregelen for kommunikasjon mellom forvaltninga og innbyggjarane/næringsdrivande

Stortinget har vedteke endringar i forvaltningsloven som gjer digital kommunikasjon til hovudregelen når forvaltninga kommuniserer med innbyggjarar og næringsdrivande. Det er og vedteke endringar i eForvaltningsforskriften for å leggje til rette for dette. Endringane trådte i kraft 7. februar 2014.

Tidlegare måtte kvar enkelt offentleg verksemd innhente samtykke til elektronisk kommunikasjon. Etter endringane er gjort gjeldande, kan ein no kommunisere digitalt med næringsdrivande, friviljuge organisasjonar og øvrige einingar som er registrerte i Enhetsregisteret utan å innhente samtykke. Ein føresetnad er at ein sender varsel om at enkeltvedtak m.v. er fatta til ei elektronisk adresse som eininga har oppgjeve, og at varselet seier kvar og korleis vedkommande kan skaffe seg kunnskap om innhaldet.

Når det gjeld innbyggjarar, kan ein reservere seg mot å få vedtak og andre viktige brev digitalt. Det tyder då at ein kan framleis frå brev på papir, om ein har reservert seg mot digital kommunikasjon.

Ein arbeider sentralt med å etablere eit felles kontaktregister over innbyggjarane sine epost-adresser og mobilnummer. Fram til kommunen har knytta seg til det nye kontaktregistreret, treng ein samtykke for å kommunisere digitalt med innbyggjarane. Frå 1. januar 2016 er det obligatorisk for alle statlege verksemder, kommunar og fylkeskommunar å nytte kontaktregistrert til varsling om digital kommunikasjon.

Innbyggjarar kan reservere seg på www.norge.no eller ved å ringe 800 30 300.

Les meir om regelendringane her

  • Skjema
  • Tenesteomtale
  • Dokument
  • Lenker