Er du ein lagspelar med humor, fantasi, mot og engasjement, og i tillegg ein trygg og fagleg dyktig leiar med fokus på kvalitet i barnehagedrift? Då vil vi gjerne høyre frå deg! I Valle og Hylestad barnehagar arbeider vi for at alle, både barn og vaksne, skal oppleve meiningsfulle og varierte dagar med glede, meistring, leik og læring. Styrar i barnehagane vil vere ein del av leiargruppa til kommunedirektøren.
Som barnehagestyrar i Valle kommune vil du ha ansvar for to barnehagar med ein avstand på ca. 12 km mellom seg:
Hylestad barnehage ligg på Nomeland i Hylestad og har ei storbarn- og ei småbarnavdeling med til saman 8 tilsette
Valle barnehage er lokalisert i skuleområdet i Valle og har ei storbarn- og to småbarnavdelingar med til saman 11 tilsette
