Transportteneste for personar med funksjonsnedsetting

Tilrettelagt transport for personar med funksjonsnedsetting (TT-kort) er eit tilbod til personar som ikkje kan bruke vanleg kollektivtransport på grunn av varig funksjonsnedsetting. Ordninga gjev moglegheit til å bestille drosje til kvardagslege gjeremål og fritidsaktivitetar. 

Publisert av Annbjørg Bjørgum Sagneskar
Publisert 08.06.2026 09:17
Sist endra 08.06.2026 09:49

Kva kan du bruke TT-kortet til?

  • Handling og ærend
  • Besøk hjå familie og vener 
  • Fritidsaktivitetar

 

Kortet gjeld ikkje til pasientreiser, skuleskyss eller arbeid/utdanning.


Kven kan få TT-kort?
Du kan søkje dersom du har ei varig funksjonsnedsetting (minst 2–3 år), ikkje kan bruke kollektivtransport, og bur i kommunen.


Korleis fungerer ordninga?
Du får eit TT-kort som fungerer som eit betalingskort. Kortet blir fylt opp med eit beløp, og dette blir trekt når du brukar drosje.


Ny ordning frå 1. juli 2026

  • Felles TT-ordning for heile Agder
  • Påfyll to gonger i året (1. januar og 1. juli)
  • Likt grunntilskot for alle
  • Mogleg ekstra tilskot for enkelte grupper
  • Ingen eigenandel undervegs


Korleis søkje?
Du søkjer gjennom kommunen. Ta kontakt for hjelp og rettleiing. Du må legge ved legeerklæring. 


Har du allereie TT-kort?
Kortet gjeld i ein overgangsperiode fram til 30. juni 2028. Du må søke på nytt før dette dersom du framleis har behov.
Du kan sjekke saldo på kortet ditt ved å ringe Rogaland taxi på telefonnummer 51 90 90 01 eller via nettsida


Treng du hjelp?
Ta kontakt med kommunen dersom du har spørsmål eller treng hjelp til søknad eller bruk av TT-kortet.
 

Meir informasjon om tenesta: 

AKT

Agder fylkeskommune