Årets TV-aksjon på NRK går til NRC Flyktninghjelpen. Målet er å skaffe nok pengar til å hjelpe 400.000 menneske på flukt ein trygg heim og håp for framtida.Pengane frå aksjonen skal mellom anna gå til nødbustader, reparasjon av heimar, tilgang til reint vatn, sanitærtilbod og juridisk hjelp for flyktningar i land som Syria, Gaza, Sudan, Tsjad, Den demokratiske republikken Kongo og Afghanistan.
Ta kontakt!
Dei som ynskjer å bidra som bøssebararar å melde seg til kommunen. Den som vil gjere ein innsats kan ta kontakt med Valle kommune på tlf 37937500.
Fakta: TV-aksjonen dei siste ti åra
2025: Atlas-alliansen. Temaet var funksjonshemma i krig og fattigdom. Innsamla beløp: 271 millionar kroner.
2024: Barnekreftforeininga. «Saman for små heltar». Innsamla beløp: 415 millionar kroner.
2023: Redd Barna. «La barn leve i fred». Innsamla beløp: 311 millionar kroner.
2022: Leger Uten Grenser og DNDi. «Saman reddar vi liv». Innsamla beløp: 292 millionar kroner.
2021: Plan International Norge. «Barn, ikkje brud». Innsamla beløp: 263 millionar kroner.
2020: WWF Verdsnaturfond. «Gå for eit hav av moglegheiter». Innsamla beløp: 239 millionar kroner.
2019: CARE Norge. «No er det hennar tur». Innsamla beløp: 239 millionar kroner.
2018: Kirkens Bymisjon. «Mindre aleine saman». Innsamla beløp: 258 millionar kroner.
2017: UNICEF. «Kvart barn er ei moglegheit». Innsamla beløp: 242 millionar kroner.
2016: Raudekrossen. «Saman får vi hjelpa heilt fram». Innsamla beløp: 231 millionar kroner.
Samla innsamla beløp gjennom TV-aksjonen i perioden 2016–2025: om lag 2,76 milliardar kroner. Basert på dei endelege resultata frå TV-aksjonen.