Lauvåsloptet trekkjer folk året rundt

Dagsturhytta Lauvåsloptet i Valle er framleis ein svært polulær destinasjon. Ole Birger Lien

På stien opp til Lauvåsloptet er det sjeldan heilt stille. Her møter ein småbarnsfamiliar på søndagstur, pensjonistar som tek den daglege trimturen, ungdom på ettermiddagstur og tilreisande som ønskjer å oppleve naturen i Valle. Dagsturhytta har vorte eit naturleg turmål for folk i alle aldrar. Den korte avstanden frå sentrum gjer hytta lett tilgjengeleg, samstundes som turen byr på naturopplevingar og frisk luft. Frå området rundt hytta kan ein kose seg med utsikta over bygda.

Lun hytte

Inne i hytta ventar ein varm og lun møteplass der turgåarar kan ta ein pause, ete nista si eller søkje ly dersom vêret skulle skifte. Utanfor ligg det godt til rette for grilling og sosialt samvær, noko som gjer området til ein populær stad for både familieturar og små samlingar. Lauvåsloptet er like mykje ein vinterdestinasjon som ein sommarfavoritt. Når snøen legg seg over terrenget, finn mange vegen opp for å oppleve den rolege vinterstemninga. Om våren og sommaren lokkar grøne lier og lyse kveldar, medan hausten byr på fargesprakande natur og frisk luft. For mange har dagsturhytta vorte meir enn eit turmål. Ho er ein møteplass som skaper aktivitet, naturopplevingar og fellesskap. Dei jamne besøkstala vitnar om at både bygdefolk og gjester set pris på tilbodet, og Lauvåsloptet held fram med å vere ein av dei mest besøkte friluftsattraksjonane i Valle.

Faktaboks: Lauvåsloptet

• Dagsturhytte i Valle kommune
• Kort veg frå sentrum
• Open og tilgjengeleg for alle
• Grillmogelegheiter i uteområdet
• Eigna for familiar, enkeltpersonar og grupper
• Populær destinasjon for både fastbuande og tilreisande

Fine trasear oppover mot dagsturhytta. Ole Birger Lien

Utsikta frå hytta er det lite å seie på.. Ole Birger Lien

Folk storkoser seg i lia over Valle. Ole Birger Lien