No kan ein få tilskot for å gjere bustaden sin meir "aldersvenleg"
Frå måndag 21. september kan privatpersonar søkje om tilskot til å gjere eigen bustad meir aldersvennleg. Målet med ordninga er å gjere det mogleg for fleire å bu trygt heime lenger. Tilskotet er retta mot personar som er 62 år eller eldre. Søknadsfrist er 30. oktober.
Publisert av Ole Birger Lien
Publisert 19.10.2026 14:10
Sist endra 19.10.2026 14:10
Pixabay
Helse- og omsorgsminister Jan Christian Vestre seier at ordninga er ein del av regjeringa sitt Eldreløfte og skal bidra til at fleire kan leve godt i eigen heim og klare seg sjølve lenger. Det kan bli gitt inntil 75 000 kroner i tilskot til tiltak som gjer bustaden tryggare og meir tilpassa alderdommen. Det er sett av 89 millionar kroner til ordninga i 2026.
62 år eller eldre
Tilskotet blir forvalta av Husbanken, og søknadsportalen opna 21. september. Tilskotet er retta mot personar som er 62 år eller eldre. Søknadene blir prioriterte etter inntekt så lenge det er midlar att i ordninga. Søknadsfristen i år er 30. oktober.
Tilskotet kan mellom anna nyttast til å byggje om bad, lage trinnfri tilkomst til bustaden, fjerne tersklar eller gjennomføre andre varige tiltak som gjer det enklare å bu heime når ein blir eldre.
Faktaboks
- Tilskotet gjeld personar som er 62 år eller eldre.
- Det kan gjevast støtte til varige tiltak som gjer bustaden meir aldersvennleg.
- Tilskotet kan dekkje inntil 25 prosent av kostnadene, maksimalt 75 000 kroner.
- Oppgraderinga må koste minst 40 000 kroner.
- Søknadsfrist i 2026 er 30. oktober.
- Ordninga blir forvalta av Husbanken.
Her kan du lese meir om ordninga