Opninga av Straume bru blir forsinka
Straume bru i Hylestad er under oppgradering, og skulle etter planen ha opna i slutten av november. No er det klart at opninga blir forsinka mellom anna på grunn av lang leveringstid på ulike deler til konstruksjonen. Me kjem tilbake med ei oppdatering i våre kanalar så fort den endelege opningsdatoen er fastsett.
Publisert av Ole Birger Lien
Publisert 13.11.2026 10:05
Sist endra 13.11.2026 10:05
Opninga av Straume bru er forsinka.
Geir Helge Solheim
I mellomtida må framleis all trafikk nytte omkøyring i anleggsperioden via Birkelandsvegen (via dammen på Hekni) - omkøyringa gjeld all trafikk.
Sterkare bru
Straume bru er ei 45,5 meter lang kommunal bru. Den gamle brua hadde stålbjelkar og tredekke, og inspeksjonar hadde avdekt skadar både på treverket og stålbjelkane. Oppgraderinga skal gi ei sterkare og meir robust bru og gjere det mogleg å auke bruksklassen.
Valle kommune er byggherre, medan Rune Holt AS har fått oppdraget med å gjennomføre arbeidet